الى من يهمه الأمر

اخوانى الاعزاء اعضاء منتدى الحب

اخوانى شباب مصر

اخوانى ابناء هذا الجيل اللا مفهوم

اتقدم اليكم بكلمات من قلبى ... لا تنم عن غضب وانما ما هي الا شكوى بسيطه لكل رجل فى بلدنا العزيز

اسمحولى اتكلم عاميه عشان اعرف اعبر شويه عن اللى جوايا

انا قبل ما اكتب الموضوع ده اترددت كتير وكنت خايف اكتبه علشان حاسس ان فيه ناس كتير ممكن تزعل وايضا عارف ان فيه ناس كتير ممكن تقف جنبى

وياريت تكونوا من الواقفين جنبى مش ضدى

الموضوع باختصار حتى لا اطيل عليكم عن اللى بيحصل اليومين دول ... ومش هتكلم عن اللى بيحصل فى البيت او فى الحدايق او فى المنتزهات او غيرها

انا هكتفى بالكلام عن اللى بيحصل فى الشوارع لانها لوحديها اصبحت سينما اليوم

عايز اقول للبنات اللى ماشيين فى الشوارع

حراااااااااااااااااااااااااااااااااااااااااااااااااااااااااااااااااااااااام عليكم .... ارحمووووووووووووووووووووووووووووووووووووونا

احنا بشر والله
مش حيوانات

احنا بنحس والله
وفينا اللى اتجوز وعنيه اتملت وفينا اللى لسه مش متجوز

بكل اختصار

انا شاب عندى 24 سنه
لسه مش متجوز ولا مرتبط ولا نيله

كل اللى فى تفكيرى حاليا انى اشوف مستقبلى

نفسى اركز كل تفكيرى على مستقبلى

لكن للاسف مبقاش ينفع اعمل كده

لان 99 فى الميه من تفكير الشباب دلوقتى بقى فى البنات والواحد فى الميه الباقى احتمال يكون فى الشغل

انا مش عايز اتكلم الا على ظاهره طريفه اوى
بقت منتشره اليومين دول اكتر من انتشار الموبيلات

وهيه بكل بساطه ((((الباديهات اللزق )))) ... عارفينها؟؟؟؟؟؟؟؟

بقت مفيش بنت فى جمهورية مصر العربيه مش لابساه

بقى بيتلبس على اللحم

او تحت بادى

او تحت كات

والموضه الجامده انه بقى كمان تحت الخمار

حتى الخمار بقى نص خمار وشفاااااااااااااااااااااااااااااف

بجد والله حراااااااااااااااااااااام عليكم

انا مش شيخ والله

بس انا شاب وبشوف الحاجات دى وبزعل على بناتنا اللى زى العسل انهم يعملوا كده

بس للاسف العيب مش فيهم هما

العيب فى راجل بيطلع اخته بالشكل ده من البيت

ازاى يبقى راجل ويوافق يطلع اخته كده

يااخى يمكن الاب مشغول عن بيته

ويمكن الام مشغوله

انت بتعمل ايه بقى

طب شوف اختك لابسه ايه قبل ما تخرج

قلها ده غلط وده صح

يارجاله خلوا بالكم من بناتكم

دول حرمتكم

ويابنات خلوا بالكم من نفسكم ماتخلوش الاجانب تضحك علينا بالشكل ده

النهارده جيبه مفتوحه من الجنب

وبكره جيبه نص وتحتيها بنطلون

وبعده جيبه ميكرو وتحتيها بنطلون

بعد كده هنلاقى الجيبه لوحديها من غير بنطلون

خلوا بالكم من نفسكم

واحب اقول لاعضاء المنتدى

انا اسف جدا على غيابى الفتره اللى فاتت

وياريت اى حد كان زعلان منى فى حاجه مايزعلش منى

والله انا كل اللى عايزه انه يكون منتدى كويس وجميل ويضمنا كلنا اسره واحده

وياريت نفتح صدورنا لاراء الا عضاء

ونقبل الجدال والنقاش

والرد الكويس واللى مش كويس

واسف على التطويل عليكم

اخوكم محمد جمال عبد الناصر

سلام

الله الله الله الله تسلم يا محمد ياجمال وحياه ربنا بجد المنتدى كان مفتقدك وانا معاك ف كل كلمه قولته وحسيتها بجد والموضوع جامد بس اعضائنا المشكله انهم مش بيدخلوا ولو بيدخلوا والموضوع ده موجود صدقنى هتزهق ردود وانتقادات
و عوده حميده يارب يامحمد
منتظرين منك كمان وكمان

اهلا يا محمد جمال نورتنا من تاني كنا مفتقدينك كتير الحمد الله على سلمتك
اكيد الموضوع ده مش منحصرعلى شباب او بنات مصر لا على كل الدول العربية
وانا معاك في كل كلمه وممكن يمون ده سبب اني حبسه نفسي في البيت
بس صدقني انا بنت وممكن اكون عرفه حاجات اكتر منك بمعنى بلاش نلوم الاخ او الاب ممكن يكون وخدين بلهم وكويس اوى انما ممكن تنزل من البيت بلبس محتر وتغير في اي حته وده كلام مش من فراغ انا كنت بشوف بنات بتعمل كده يكوني البنت لازم تحترم نفسها قبل اي حد وبلاش نلوم اهلينا الي ممكن نكون بنضلمهم

بتمنا يكون كلامي مفهوم وانا اتكلم بكل صراحه من غير تحيز وربنا يهدي والحمد الله على سلمتك مره تانيه

وعد العيون كتب:: الله الله الله الله تسلم يا محمد ياجمال وحياه ربنا بجد المنتدى كان مفتقدك وانا معاك ف كل كلمه قولته وحسيتها بجد والموضوع جامد بس اعضائنا المشكله انهم مش بيدخلوا ولو بيدخلوا والموضوع ده موجود صدقنى هتزهق ردود وانتقادات
و عوده حميده يارب يامحمد
منتظرين منك كمان وكمان

بجد ياوعد انا مش عارف اقول ولا كلمه اعبر بيها عن شكرى ليك للى انت بتعمله فى المنتدى

وانا والله اليومين دول بقى عندى نت فى الشغل بتاعى وبقيت على المنتدى اليوم كله بس للاسف مش بلاقى حد يدخل كتير

وباذن الله هيكون منتدى كويس

وبالنسبه للموضوع اللى انا كاتبه والله ياوعد انا كتبته لما تعبت بجد وزعلت من اللى بيحصل فى بلادنا العربيه

والبنات بتعمل ده كله ولا عندها فكره اهم حاجه عندهم انهم يكونوا حلوين عشان الجواز وغير الجواز

والف شكر ياوعد على مرورك الكريم والمشرف

ومستنى جديدك ياقمر

فاتن_2222 كتب:: اهلا يا محمد جمال نورتنا من تاني كنا مفتقدينك كتير الحمد الله على سلمتك
اكيد الموضوع ده مش منحصرعلى شباب او بنات مصر لا على كل الدول العربية
وانا معاك في كل كلمه وممكن يمون ده سبب اني حبسه نفسي في البيت
بس صدقني انا بنت وممكن اكون عرفه حاجات اكتر منك بمعنى بلاش نلوم الاخ او الاب ممكن يكون وخدين بلهم وكويس اوى انما ممكن تنزل من البيت بلبس محتر وتغير في اي حته وده كلام مش من فراغ انا كنت بشوف بنات بتعمل كده يكوني البنت لازم تحترم نفسها قبل اي حد وبلاش نلوم اهلينا الي ممكن نكون بنضلمهم

بتمنا يكون كلامي مفهوم وانا اتكلم بكل صراحه من غير تحيز وربنا يهدي والحمد الله على سلمتك مره تانيه

الله يسلمك يافاتن والله بجد وحشتونى اوى اوى اوى

وبجد ردودك الجميله وحشتنى

وبجد المنتدى كله واحشنى ونفسى يكون محدش زعلان منى

لان كانت فيه ناس بتزعل من ردودى عشان كانت صريحه شويه

وعلى فكره ردك عجبنى اوى

لانه بجد رايى واضح

وانا معاكى فى حتة ان فيه بنات بيعملوا الحاجات دى من ورا البيت

وانا شفت الحاجات دى بعنيا

بس برده اكتر المشاكل بترجع للتربيه

ويارب ارحمنا من عندك يارب

شكرا لمرورك يافاتن

كلامك صحيح ياحماده
بس امنع نفسك وملكش دعوه بغيرك
حاسب نفسك
ومتجبش العيب على غيرك
ربنا اللى هايحيسبك
وهيحاسب غيرك
فكر فى حسابك مع ربنا
ومتفكرش فى حساب ربنا مع غيرك
الكل عارف فين الصح وفي الغلط

الموضوع جامد يامحمد ومهم جدا
بس تفتكر العيب فى مين فى البنت ولا اهلها ولا المجتمع اللى كلنا بنقلد تقليد اعمى وخلاص
سواء بقى الشئ اللى بنقلده بيتماشى معانا او لا المهم نقلد لان غير كده بعتبروه متخلف مش بيتابع الموضات وكل جديد وبس للاسف احنا اللى شغلنا نفسنا بالمظهر ونسينا الجوهر اللى هو اهم بكتير
واكيد كل بنت خارجه من بيتها عارفه هى بتعمل ايه وعارفه الحرام من الحلال
والحل اكيد فى ايدينا احنا كل واحد يبدا بنفسه انا وانت وغيرنا كتير افتكر وقتها الحال هايتغير ونرجع زى الاول
وفى الاخر مش نقول غير ربنا يهدينا كلنا
اسفه على الاطاله
تقبل مرورى