ترتيبا على ما حدث في الأيام الأخيرة

أنا بعتذر لكل الأعضاء وبخاصة فاتن
وكمان رامز ووعد ورامبو وحنونة وندى
وانا بجد مش عرف ايه اللي حصل بس تقريبا أنا بمر بأيام سودا
وبناء عليه أنا قررت قرار نهائي اني مش هاكمل في المنتدى
وبجد أن قضيت معاكم أجمل أيام شاطرتكم الحلو والوحش بس للأسف حظكم السيء إن حياتي كلها وحش
واتمنى محدش يكون زعلان مني
وإن شاء الله رامبو هايكمل معاكم أصبح هو مدير المنتدى
وأتمنى لكم جميعا حياة سعيدة مليئة بالحب لكل شيء
وأخيرا ياريت رسالة الحب أساس الحياة تكون وصلت لكم
لو حبيت عملي هاتفوق
لو حبيت ربي هاعبده باتقان
لو حبيت أصدقائي هاحس بمعنى الحياة
هافتقدكم جميعا
بس ده قدر ومفيش مهرب من القدر
هافتقد شقاوتك يا وعد
هافتقد تلقائيتك وبساطتك يا حنونة
هافتقد حبك وأخوتك يا ندى
أتمنى أشوفكم جميعا بخير

بلاش يامحمد بلاش تسيبنا احنا عايزينك وسطنا وسط اخواتك واللا احنا قد كده وحشين ومانستاهلش انك تبقى معانا ؟
يامحمد بجد المنتدى مش هيبقى ليه لازمه وانت عارف انك بجد روح المنتدى المنتدى مش هيتنفس بعدك هيموت يامحمد عايز اللى عملته ف سنين يضيع ف يومين
محمد دى فتره وهتعدى على خير وان شاء الله هنرجع كلنا واحد ذى الاول اخوات اسره واحده المنتديات التانيه بتحسدنا على الحب اللى بينا
يامحمد لو عايز تبعد شويه مافيش مشكله ابعد شويه بس مش كتير وماتسيبش المنتدى علشان خاطرى انا وعلشان خاطر كل اصحابنا يامحمد ماتبعدش كلنا عايزينك الا بجد لو انت شايف اننا مانستاهلش صداقتك دى ولو انت شايف كده يبقى اقسم لك انا اول واحد هينسحب علشان ده مكانك مش مكان حد تانى ومنتظر ردك يامحمد معلهش فكر تانى وراجع نفسك وشوف هتخسر قد ايه لما تسيب اصحابك فكر يابروف

بجد يا بروف مش عارف اقولك ايه انا دخل مخصوص عشان اشوف مواضيعك
وانا اصلا مش عارف ايه اللي انت بتعتذر بسببه بس ده حاجه ترجعلك لو انت مش عايز تكمل وشايف ده فيه مصلجتك م هاقدر امنعك خصوصا اني شايف ان مش في حد رد عليك فيظهر ان الموضوع كبير
وانا مش عايز ادخل فى حياتك بس ختى عرفني اكلمك ازاي ايميلك مش بتكلمني منه رقمك اي او الايميل اللي شغال
يا جماعه حد يرد علي لو هو مش بيدخل بجد
يا بروف انا والله بحبك صحيح ما اتقابلناش بس انا بحبك لني من مواضيعك عرفتك
ارجو الرد من اي حد

اولا يامحمد انا عرفه انك هترجع بس بعد فتره مش كبيره ودا شىء مفروغ منه لاننا كلنا مينفعش نسيب بعض لان المنتدى دا اكتر حاجه اى ثينك انها بتجمعنا فاعتقد ان ده موضوع مفروغ منه ومتقلقش مش هتفتقدنى ولا هتفتقد حد تانى مننا لانك مش هتغيب علينا كتير

ثانيا صقر متقلقش مفيش حاجه اوفر حصلت بس كان فيه مشاكل بين الاعضاء وخلاص الحمدلله اى ثينك ان كله الى حد ما تمام دلؤتى .

ذي ما قلتلك قبل كده يابروف
لاتعليق

اولا انا جيت علشان اقول صباح الجمال على احلى اخوات ف الدنيا كلها وصباح مخصوص قوى للنا س اللى جايه تهدى النفوس
وكمان يا حبايبى انا هستاذن منكم شويه هغيب عن المنتدى يعنى 20 او 30 يوم علشان الشغل والله هتوحشونى قوى قوى واول ما ارجع اول حاجه اعملها انى اطمن عليكم علشان هتوحشووووووووووووووووووووووووونى قوى

استحاله تتخلى عن المنتدى يامحمد
احنا بدانا كلنا ولازم نكمل للاخر
رامى اخ لنا كلنا بس انت هاتبقى المدير لينا كلنا
ولو فكرت فى يوم تبعد عن المنتدى وعن اخواتك من فضلك بقى اقفل المنتدى
لان كلنا مش داخلين وانت عارف انا هابقى رئيسه العصابه بقى
محمد بالله عليك
اظن مفيش اغلى من ربنا عندك وعندنا
بلاش تسيب المنتدى
وانا اهو رجعت والا هانسحب تانى
ياجماعه حد يلحقنى انا ايدى على الغاء

اخوات ايه
انت هتتلزقى
انا اللى هطردك
انا المدير
ههههههههههههههههههههههه

لا يا بروف
هذه ليست كلماتك
وهذا ليس صوتك
ربما تكون قد أحاطت بك بعض المشاعر
وحاصرتك بعض الظروف
وداهمتك بعض الاحداث ..
لأني كما اعرفك( بل واعتبر اني اقرب الناس اليك)
أقوى من ذلك
فان كان هذا انسحاب
فلست ممن يهربون لست من يهرب من مواجهة ما حتى وان جنى عليك أقرب الناس اليك
( يارب تنتهي الاحداث دي كلها وترجع لمكانك الطبيعي أو كما قال بعض الاعضاء ــ اقفلوا ـــ )
وان كان هذا تعديل لمسار ما اكتشفته فاني أؤيدك على ما فعلت واشجعك بقوة على هذا القرار

ياريت يا احمد بما انك من أقرب الأصدقاء الى البروف
بل ممكن ما يكونش مجرد أصدقاء انما اخوات
حاول تقنعه وتكلمه وتفهمه ان ده مكانه وكلنا هنا علشان هو عاوزنا هنا
محدش يقدر يقول انا مش عايز البروف واللي مش عايزه يقولها بصراحه
لأننا كلنا ضيوف في بيتك ما نقدرش نطردك منه أو بشكل تاني انت رب الأسره محدش يقدر يقوله مش عايزينك
انما هو يقدر يقول للكل مش عايزكم
واللي مش عايزه يشوف له بيت تاني واحنا مش عايزينه معانا في اسرتنا مادام هو مش عاجبه رب الأسره

وياربت تبلغه ان انا زهقت لأني مش قادر اقوم بدور المشرف والعضو والمدير
وانا لسه ما اتجوزتش علشان ابقى رب اسرة عربية كامله